Читать книгу Mmino Wa Ngwedi (Kgokagano Ya Madi). Puku Ya 1 Ya Tlhatlamano Ya Kgokagano Ka Madi онлайн

57 страница из 77

“Ke nagana gore go tla ba kaone ge o ka bogela mošomo wa gago wa diatla ka polokegong ya kantoro. “Devon a myemyela, ge a mo šupetša se sengwe sa diširo.

Envy o ile a lebelela seširo a nagana gore ge a bona Trevor a itshwere mapele o tla sega… efela, seo sa mo dira gore a mo kwele bohloko. Seo se dirile gore a kwe pelo ya gagwe eke e wele ka dikgato tše mmalwa. Ge a mmona a ekwa bohloko, o ile a kwa a thaba gore monithara ga o na modumo go seo a bego a se bolela ka gore ka nnete ga a nyake go tseba gore o be a reng.

A bogela ka setu ge Chad le Jason ba bonagala go tšwa lešabeng gomme ba mo thuša tseleng ka moka ya go ya lebatong la ka godimo. A ka bolela gore ba be ba reng, efela ge Trevor a kgorometša Chad go yena ka maatla a mantši go feta ka mo a swanetšego ka morago ga metsotso ya go theisiwa, mahlo a gagwe a lebelela lebating a ikemišeditše go fofela morago pele yo mongwe wa bona a gobala.

Ge sebini se šikinya hlogo ya gagwe ka temošo ge a eme magareng ga gagwe le lebati, Envy a lebelela morago go monithara a makatšwa ke go bona Jason a swara Trevor ka go mo tiiša ka matsogo gomme Chad a bea dihakisi go yena.